Dinako tsa Sesotho di arotswe ka tsela e latelang:

• Meso
Meso ke ka madungwadungwana ka ho lla ha kgoho tsa pele. Ke ha bosiu bo wela fatshe pele tsatsi le tjhaba. Sena se hlalosa kganya ya pele e lelekang lefifi la bosiu. Ngwana Mosotho o raha dikobo ka meso ho qala letsatsi.
• Hoseng
Hoseng ke nako e hlahlamang meso, e leng ho tloha letsatsi le tjhabile hofihlela motsheare.
• Letsheare
Letsheare ke ha letsatsi le rapalletse le eme dihlohong tsa mengala. Ke nako eo seriti sa motho sukgutsufalang ho fihlela se ba tlasa maoto.
• Thapama
Thapama ke ha motjheso wa letsatsi o fihla sehlohlolong mme le batimana.
• Mantsiboya
Mantsiboya ke ha letsatsi le rapama mme le itokisetsa ho sunya nko fatshe. Ke ha letsatsi le hlahlamanya dithaba le se le tla dikela.
• Bosiu
Bosiu ke shwalane ha tsatsi le qeta ho dikela mme ho tsholwa masutsa a mantsiboya.
• Kgitla
Kgitla ke ha masiu a rwalellana mme batho ba isa masapo ho beng. Ke nako eo ka yona baloi le dithotsela ba tshetshemang ka yona.