|
Home |
About Us |
Xhosa Heritage |
Basotho Heritage |
Calendar |
Contact Us |
Kgwetsa Ho thwasa Kgutsana Lebollo Lenyalo Tjhai Lefu Bofifi Ho kgaola moetlo| O mona: Moetlo > Lebollo |
Lebollo |
|
Lebollo ke moetlo moo teng motho a rutwang boikarabelo mme a lokisetswa bophelo ba setho
seholo.
Ka kakaretso, ke bahlankana ba bolotswang merabeng e mengata ya basotho. Ho teng meloko ya basotho e bolotsang bana ba barwetsana. Motho o qeta nako e pakeng tsa kgwedi le kgwedi tse tsheletseng a le mophatong. Ha ngwana a titimetse kapa a bolotse ka thero, o isetswa mokgahla, poone le mabele.Mohla mophatho o tjhang, e ba makolwane le ditswejane di kgutlela motseng ho ya phela hara bona. Nakong eo ba bolotseng ka yona, ha na kopano ho hang le batho ba ka ntle, ntle le ba etang ho tla ba hlola. Ke batho ba bolotseng feela ba ka hlolang makolwane le ditswejane. Mophathong wa makolwane ho kena banna feela, mme le ho wa ditswejane ho kena bomme ba bolotseng feela.Bahlankana ba tswang mophatong ba bitswa makolwane athe barwetsana bona ba bitswa ditswejane. Motho e motona ya sa bollang o bitswa leqai athe e motshehadi yena o bitswa lethisa. Makolwane le ditswejane ba qeta nako ya matsatsi a mmalwa ba le letsoku mme ba keteka le setjhaba, ba ithoka mme ho hobelwa. Ka mora mona ba tsohella nokeng ka matjeke/meso ho ya hlapa letsoku mme ba feleheditswe ke basuwe le baholo ba malapa a bona.Ha motho a se a bolotse e ba o se a le boemong boo a ka nyalang kapa a nyalwa. Empa ha se ditjhaba tsohle tsa basotho tse bolotsang. Ho teng merabe eo teng bana ba sa bolotsweng. TlhokomedisoKe kopa hore le elellwe hore tlhakisetso ena empa e le tataiso ka kakaretso mabapi le moetlo ona. Mona ha ho tlhaloso ya tsamaiso kapa dikateng tsa lebollo, ka ha sena se tsejwa ke beng. Sena ke seo re se bitsang pinyane ka Sesotho. |