Nalane - Lehae la Basotho.

Marena

Bahale

Diboko

Selemo

Matsatsi

Dikapolelo

Maele

Dilotho

Dipalo

Matshwao

Dibuka

Ditshomo

Dithoko

Bangodi

O mona: Tlotlontswe > Dilotho

Dilotho

Dilotho ke papadi e bapalwang ke batho ba babedi, mme e babalwa ho fihlela e mong a fellwa ke dilotho kapa bobedi ba hloleha ho rarolla dilotho. Sena se etsahala ka hore ha motho a hloleha ho fana ka tharollo, e ba o reka selotho ka ho lotho ya mo lothileng. E bang eo le yena a hloleha ho se rarolla, bobedi ba lokela ho fana tlhaloso ya dilotho tsa bona.

Papadi e na e bapalwa ka tsela e latelang:
Molothi: Ka o lotha
Morarolli: Ka eng?
Molothi: Ka hore
Morarolli: Ke hore
Molothi: Ka hore
Morarolli: Ke hore
Molothi: Ka hore
Morarolli: Ka se reka(e bang a se na tharollo ya sona)
Molothi: Ka eng?
Morarolli: Ka hore(jwale e ba morarolli e se e le molothi ho fihlela ya lothwang a hloleha ho se rarolla)
Molothi: Ke hore

Selotho	Tlhaloso
Masimo a mothating	Dintshi
Majwe mabedi mabetsa hole	Mahlo
Phutse le hara thota	Mokgubu
Kgomo ya bohadi ba mme e selota mpeng	Tshilo hodima lelwala.
Monna eo e reng ha a bua e be bana ba ya baleha	Sethunya
Lehlanya le bina meutlweng	Selepe
Seya nokeng se omana, se be se kgutle se omana	Sekgelello
Dipodi tsa Makeleketla di fula di paqame	Sekele
Mosadi ya dinyao mpeng	Sesiu
Ha o le Morwa tjee, metsi o a nka kae?	Lehapu
Baloi ba bina ka lehaheng	Dikgobe, ha di bela ka pitseng.
Thankga thankga, ke a tswalla kae?	Mokopu ha o ntse o nama.
Ka ja mokotla, ke tsholla phofo	Mohodu
Kgomo ya bohadi ba mmao	Nta
Banna ba sa beheng melamu fatshe	Dintja
Ka tinketsa ka tinketsa, ka makala hore modimo wa Roma o kene kae	Tshupa, ka sesiung.
Shweshwe tsa mohlaka o moholo	Dinaledi
Mala a nku marang-rang	Mohlwa
Monna eo e reng ha a kgotshe a rwalle	Noka
Phate di a lekana	Lehodimo le lefatshe.